DansKompaní er listdansskóli staðsettur í Reykjanesbæ með kennslu frá september til maí ár hvert ásamt því að halda styttri sumarnámskeið fyrir dansþyrsta nemendur. DansKompaní var starfræktur í formi námskeiða frá árinu 2002-2009 í Reykjanesbæ, Akureyri og í Reykjavík en er með fast aðsetur í Reykjanesbæ frá árinu 2010. 

 

Ásta Bærings er stofnandi og fyrrverandi skólastjóri DansKompaní. Helga Ásta tók við skólanum í desember 2013 og er núverandi eigandi og skólastjóri.

​

DansKompaní er með nemendur frá öllum bæjarfélögum Reykjaness ásamt höfuðborgarsvæðinu enda samgönguleiðir þægilegar niður að Brekkustíg 40 frá Reykjanesbrautinni.

​

Sýningar eru mikilvægur hluti af dansnáminu og taka allir nemendur í skólanum þátt í hátíðarsýningu sem og vorsýningu í lok skólaársins. Auk þess fá nemendur tækifæri á að taka þátt í ýmsum uppákomum yfir veturinn sem veitir þeim tækifæri til að öðlast meiri sviðs- og sýningarreynslu. Skólaárið er frá byrjun september til byrjun maí og skiptist í tvær annari, haustönn og vorönn. Námsgjöld eru miðuð við eina önn.