

Jólakúlan 2026
Kúlan 2026
Öflugur hópur foreldra hefur hafið sölu á DansKompaní jólakúlu en salan er fjáröflun fyrir dansdúk á gólfin okkar í skólanum. Þetta er í annað sinn sem kúlan er seld og erum við komin langt með að safna fyrir dúknum.
Allar pantanir á jólakúlunni fara í gegnum pöntunarformið hér að neðan. Kúlurnar verða svo afhentar í byrjun desember, nánar auglýst síðar.
Jólakúlan kostar kr.3.600 stk.
Takmarkað magn í boði


Kúlan 2025
Nokkur eintök af 2025 kúlunni eru enn til og getur þú einnig sent inn pöntun fyrir henni
Jólakúlan kostar kr.3.600 stk.
Örfá eintök eftir
hVAÐ ER DANSDÚKUR?
OG AF HVERJU ER HANN MIKILVÆGUR?
Í DansKompaní erum við svo heppin að hafa sérsmíðuð dansgólf með góðri dempun sem draga úr álagi á líkama dansara. Til að fullkomna aðstæður vantar okkur þó dansdúk sem er sérstakur vinyldúkir sem lagður er yfir dansgólfið.
Dansdúkurinn tryggir rétt viðnám þannig að gólfið verði hvorki of hálft né of gróft, sem er lykilatriði til að forðast meiðsli og styðja við eðlilegar hreyfingar í mismunandi dansstílum. Þetta skiptir máli þegar dansað er í sokkum, skóm eða á berum fótum.
Auk þess verndar dúkurinn gólfefnið undir, lengir endingu þess og auðveldar þrif og viðhald.
Fjáröflun fyrir dansdúk er því fjárfesting í öryggi, gæðum og framtíð DansKompaní. Með því að bæta dúknum við erum við að tryggja að nemendur okkar dansi á eins öruggu og faglegu gólfi og kostur er og að dansgleðin geti haldið áfram að blómstra í sem bestu aðstæðum.

