Sumarsmiðja DansKompaní

SUMARSMIÐJA DANSKOMPANÍ
6-9 ÁRA & 10-12 ÁRA

Vegna fjölda áskorana verður DansKompaní með Sumarsmiðju í júní frá kl.12-15 á virkum dögum!

Á námskeiðinu munum við vinna með liðsheild, sköpunargáfu, sjáflstraust, söng, leiklist og dans!

Í lok hverrar viku verður lítil uppskeruhátíð þar sem þátttakendur fá að sýna brot af því sem þau hafa unnið með yfir vikuna.

Námskeiðið er kennt í tveimur aldurshópum, 6-9 ára og 10-12 ára og fer fram bæði innan og utandyra.

Hér að neðan getur þú séð allar upplýsingar um hvern aldurshóp fyrir sig

6-9 ára

SUMARSMIÐJA 6-9 ÁRA(ÁRGANGAR 2017-2020)

Fjör, sköpun og sviðslistir í sumar hjá DansKompaní!

Í sumar býður DansKompaní upp á skemmtilega og skapandi sumarsmiðju fyrir fjöruga krakka á aldrinum 6–9 ára. Smiðjan er fyrir alla krakka sem hafa áhuga á að hreyfa sig, prófa eitthvað nýtt, leika, dansa og skapa hvort sem þau hafa æft áður eða eru að stíga sín fyrstu skref.

Á námskeiðinu vinnum við með dans, leiklist, söng, hreyfingu, leiki og skapandi verkefni þar sem gleðin er í fyrirrúmi. Krakkarnir fá að efla sjálfstraust, samvinnu, tjáningu og hugmyndaflug í öruggu og hvetjandi umhverfi. Við gerum ýmislegt skemmtilegt bæði innan- og utandyra og leggjum áherslu á að allir fái að njóta sín á eigin forsendum.

Í hverri viku verður unnið með nýtt skapandi þema sem tengir saman dans, leik og sviðslistir. Í lok vikunnar verður lítil uppskeruhátíð þar sem þátttakendur fá að sýna brot af því sem þau hafa unnið með yfir vikuna.

Sumarsmiðjan stendur yfir í 3 vikur og hægt er að skrá sig í eina viku, tvær vikur eða allar þrjár.

Hvar og hvenær?

Hægt er að velja 1-3 vikur
Vika 1:15.-19.júní (skert vika v.17.júní)

Vika 2: 22.-26.júní

Vika 3: 29.júní-3.júlí

Tími: kl.12:00-15:00 alla virka daga

Fyrir: 6–9 ára krakka, byrjendur jafnt sem lengra komna

Skráning hefst 18.maí

SKRÁNING

VERÐSKRÁ

10-12 ára

SUMARSMIÐJA 10-12 ÁRA(ÁRGANGAR 2014-2016)

Skapandi sumarsmiðja fyrir krakka sem vilja dansa, leika og koma fram!

DansKompaní býður upp á öfluga og skemmtilega sumarsmiðju fyrir krakka á aldrinum 10–12 ára þar sem sviðslistir, sköpun og samvera fá að njóta sín. Smiðjan er opin öllum — bæði þeim sem hafa reynslu af dansi, söng eða leiklist og þeim sem eru einfaldlega forvitin að prófa eitthvað nýtt.

Á námskeiðinu vinnum við með dans, leiklist, söng, sviðsframkomu, spuna, hópefli og skapandi verkefni. Þátttakendur fá tækifæri til að efla sjálfstraust, styrkja liðsheildina, þróa eigin hugmyndir og læra að koma fram á jákvæðan og skemmtilegan hátt. Markmiðið er að allir fái að njóta sín, prófa sig áfram og upplifa gleðina sem fylgir því að skapa með öðrum.

Í hverri viku verður unnið með sérstakt þema sem leiðir verkefnin áfram og gefur þátttakendum innblástur í dansi, leik og tjáningu. Við blöndum saman sviðslistum og fjölbreyttum verkefnum og vinnum bæði innan- og utandyra eftir því sem við á.

Í lok vikunnar verður lítil uppskeruhátíð þar sem þátttakendur fá að sýna brot af því sem þau hafa unnið með yfir vikuna.

Sumarsmiðjan er 3 vikur og hægt er að velja um að taka þátt í einni viku, tveimur vikum eða öllum þremur.